Yuxudan qalxmağı unudub yenə..
Dəniz ürəyimdə qıvrılıb yatıb
Sən bilmirsən dəniz,sirr verim sənə
İcimdə limansız gəmilər batıb
Batan gəmilərin ünvanı yoxdur
Limanları gəzdi,qaldı seçimdə
Daha dənizlərin canı da yoxdur
Coşqun dənizləri boğdum içimdə
Dalğalar göz yaşın,ürəyində çən
Çırpınan ləpələr surətin imiş
Sənin sahilindən örgənirəm mən
Dalğa-dalğa ölmək nə çətin imiş..
Qəlbim yatağındır,bölgəndir sənin
Sahilli itirib,allanmısan sən
Sürünən buludlar kölgəndir sənin
Sanki buludlardan sallanmısan sən!
Qəlbimdə yatmasan belə solmazdın
Dünyaya gəlmisən mənim sözümdən
Mən ağlamasaydım dəniz olmazdın..
Səni mən agladım,tökdüm gözümdən!