Sən ölsən ölərəm deyənlər ölmür

Təbriz Oğuz Camalzadənin "Sən ölsən ölərəm deyənlər ölmür" adlı şeiri

  Şeirlər   Mart 7, 2022   0   1377  Oxu siyahısına əlavə edin
Sən ölsən ölərəm deyənlər ölmür
  • Sən ölsən ölərəm deyənlər ölmür,
    Səni tərk edənlər geriyə dönmür.
    Yanında olanlar qədrini bilmir,
    Görməyə can atır uzaqlar səni.

  • Xoş günündə sənə qardaş olublar,
    Dostların olublar, yoldaş olublar.
    Ən çətin günündə yad,daş olublar
    Oturub dinləyib qıraqlar səni.

  • Yaxşılar qalarkən yamanı seçdin,
    Həqiqət içində gümanı seçdin.
    Səhv addım, həm də səhv zamanı seçdin
    Pis günə saldı o maraqlar səni.

  • Bax, səni üzüstə yıxıb getdilər,
    Əlini son dəfə sıxıb getdilər,
    O "böyük dostlar"ın çıxıb getdilər,
    Oturub dinlədi uşaqlar səni.

Müəllif: Təbriz Oğuz Camalzadə

Etiketlər

banner